 |
|
待播出 待回答 
排序: 
yuen cheung 1天前 Question: 8188 請問有a射b度嘅系統中國賣得出去係咪代表已經公開咗有呢種功能？咁樣嘅情況下美國竟然唔知道有呢樣嘢?
同埋呢樣係新技術定係現有技術嘅運用呢?多謝! 
yuen cheung 1天前 Question: 8187 請軒仔解釋一下所講嘅現代軍事防守強過進攻係乜嘢情況呢？謝謝！ Johnny Ng 5天前 Question: 8186 大師軒仔，你哋喺大師答問度，喺五月尾六月初呢兩個禮拜差不多已經冇回覆任何問題咗喇喎。除咗週六週日有回答之外，逢星期一至星期五喺會員答問度一啲都冇答過咩問題，你哋最初就話問題唔夠啫。但係而家啲問題已經堆積如山喇喎，你都仲未回答到。就算依家喺六月9號星期一開始回答咗呀但係又唔係話日日有回答。咁只會令到啲問題越堆越多，而我亦都有三條問題你都仲未回覆我。你哋點搞㗎，若果可以嘅不如叫埋宋芝齡小姐一齊同大師回答問題舒緩下軒仔同子晴嘅壓力呀。反正依家宋小姐係逢禮拜四已經同你一齊做節目喇。搵埋佢同大師合作回答下問題都好呀。除此之外我就想問一問喺0xmd度同Alan一齊做嗰次節目嗰位Candice其實係咪阿軒仔個嗰位讀St.Paul中學後尾轉咗去讀佛教中學而你畀親戚朋友冷落嗰位親家姐呀？同阿軒仔你成個餅印一樣咁嘅。係嘅話不如拉埋佢同軒仔一齊做節目啦，姊弟兵上場就一定有睇頭啦。唔該 
7天前 Question: 8185 大C，近來邱福龍龍少好大麻煩喎，有無關心下佢？
7天前 Question: 8184 大師, 你要明白同一問ritz carlton, 在香港要3千幾一晚, 在深圳只需千幾一晚, 咁點樣可以吸引遊客留港呢???
7天前 Question: 8183 軒仔，呢集講水管內容有啲缺失：1 ) 水喉同水渠係2样嘢。响水龍頭輸送嘅自來水系統叫水喉，整個系統理論上係密封嘅，有壓力嘅，所以扭開水龍頭啲水會噴出來，住高層唔夠水壓時要叫樓下冚水喉。水渠係馬路面同路底下舖設嘅管道，水嘅流動係靠地心吸力，水向低流。2 ) 你講嘅換水喉計劃應該唔係指換全港嘅地下水喉。我見到已經有网友評論指出問題所在。你所講嘅我估係更新地下嘅石綿喉管計劃，因為以石綿為主要材料做水喉係歷史問題，現在已經禁用，同埋統計上發現大部分爆水喉都係呢類物料做嘅水喉。所以針對性地對呢類已經响好多年前舖設計嘅水喉，做更換。真係要更換的話，對市民嘅日常生活影響會好大好大好好大。
7天前 Question: 8182 通縮係好事都講得出 97到03年香港經歷咗六年通縮 幾乎日日都有人因為經濟事件自殺 搞咗個東堤小築出嚟 喺啲做市庄仔身邊嘅擦鞋仔居然話係好事 真係賤過啲地產佬九倍 自己冇得做市搵唔到食就日日發夢想地產爆埋入市撈底？
7天前 Question: 8181 請問食環署有咩問題，檢控亂拋垃圾係佢地職責，如果你覺得檢控唔合理，有權唔交罸款上庭抗辯，但佢決定郁手襲擊公職人員，試圖用暴力解決問題，就要承擔後果，如大C你講，暴力係政權壟斷，呢條友冇資格去用，佢自己無秤下自己斤兩，學人發圍，其實抵死，再講你認為索償不合理，咪又係上庭抗辯囉，唔好話咩唔公平唔合理唔咩唔柒，條路你自己揀，仆街唔好喊，當初唔郁手咪冇事囉
7天前 Question: 8180 問軒仔：既然東風51能覆蓋全美，轟炸機作用是否要重新審視？
7天前 Question: 8179 周觀微完全不熟書，連馬克思正統的中產階級定義都不識，等如沒讀大學。
7天前 Question: 8178 大C：我都係你長期觀眾，但都勸你接受現實香港七成地唔起樓，全世界不論中港外都認為是香港優勢，話「市中心去郊外唔使半個鐘，世間少有」云云。不過多年前我已經講，全世界除香港，市中心外都有大量suburban先到郊區，香港剔走suburban令郊遊變得方便，係「in the expense of living environment in city center 」。大C要接受的現實是，香港人既然好多人揀左
要有呢個「優勢」，就要靜觀佢地因on9而suffer，少作勸告😂😂
7天前 Question: 8177 條擦鞋仔永遠就係要起多啲樓樓價跌 畀機會佢撈底 扮到好似為香港設想 但係永遠避開唔講樓價跌左 香港政府條數點埋單呢 再跌落去銀行條數點埋單呢 係咪學歐洲嗰套 每人三四成稅 跟住再加銷售稅呢
7天前 Question: 8176 唔講大c講關於樓言論啱定唔啱
不過不得承認大c係政治煸動言論其實都算高手
一句話就將所有反對樓價暴跌，定性為地產霸權幫兇，階級敵人，之後引出一大班仇港聯出來香港人點自私，加扣一大個勾結外國勢力帽子，呢方面包括大c同好多無樓啲人都係高手👍
樓價大幅上升大跌都係對經濟唔健康，但前廿年很大程度係受惠低息同全球化下畸形現象，供應上香港同樣受限係地型， ( 本身香港多山地理，就係一個唔好開發城市 ) ，土地開發成本 ( 人工材料 ) ，另外對物權保護，比起內地好 ( 所以仲有內地人買樓 )
但係反全球化，香港樓價已經無可能好似以前咁爆升，但政府無可能任由樓價暴跌，金融穩定，財政收入等都會有好壞影響， 而且就算你想加大供應，政府無錢，地產商無錢，邊個幫你起樓
7天前 Question: 8175 關於香港的房屋和土地供應政策，本來都已經唔係幾想再回，因為在下的基本立場本身和大C分別不大，都是認為應該盡可能增加土地供應和房屋供應，而且應該多管齊下而非被反對者轉移視線 ( 應該做呢樣唔做嗰樣 ) ，2010年代也是在轉載大C文章一起鬧姚松炎和地産商打手環團，而在下與大C的分別衹是在下以較寬容的態度對香港政府，大C的標準則較嚴苛，因為在下認為香港山多平地少，以目前獲得的成果而言，我認為香港政府已經很努力增加土地供應，而大C則認為還做得不夠，既然這很大程度屬主觀判斷，因此也沒什麼好爭辯。
但大C引用了新加坡和深圳爲例子，又令我忍不住要反駁一下：新加坡的確是呎價和房價收入比低於香港，但新加坡人口略少於香港而平地數倍於香港，因此能有此結果而並非無先天原因，當然，新加坡更大規模的填海也功不可沒。
至於另一個例子深圳我就不解了，深圳的房價收入比是三十多倍，遠高於香港的十多倍。如果要用例子來證明香港樓價高其實有不少，爲何大C偏用深圳？ ( 且不説深圳的平地面積/平地面積per人口更是遠超香港 )
順帶再提一下，在下認為在土地房屋供應上不需要再苛責港府，意思並不是指目前的樓價已經容易負擔，或者目前香港人已經住得很大，而是從目前市面上已經累積了的供應，未來數年公營房屋的落成量，和仍在開發的土地如北都/洪水橋/137區等的規模來觀察，未來的供應已經足夠讓香港的樓價繼續下跌 ( 或者相對下跌：如果香港經濟足夠好的話，可能是人們的收入增長快於樓價回升 )
7天前 Question: 8174 香港點可以同新加坡比呢？兩個地方政府嘅收入架構完全唔一樣。星加坡政府收入主要係來自國家投資回報 ( 例如從temasek,GIC 基金 ) ，佢唔會直接動用賣地嘅收入，更加有其他稅收例如銷售稅汽車稅，中央儲蓄基金。因此，星加坡唔需要依賴賣地去支撐收入。相反，香港政府30%收入係靠賣地。既然係咁，地價當然係要高啦，令到香港6.9%個土地係要嚟起住宅。相反，星加坡佢可以放17% ( 並唔係70% ) 嘅土地咪起佢哋嗰啲HDB 政府資助住宅。
大師實倉
投資二三事 
政經密碼 
食色中環 
